| ecco le pagelle pubblicate sulla GDP relative a GIOCATORI E ALLENATORE
Mirant sinc : oh anca in chi trì giòrn chi San Gennaro a ne’t l’è miga fat ciamär ! un tir un gol, però a ne’s pol miga… sensa colpi ma anca la sfortòn’na la dà i vòt
Zaccardo sèz : bela partìda e un cuäzi gol cl’aris arvoltè la fritäda, però l’è andäda acsì, a fagh sensa dirot ca sämma drè a afondär
Lucarèli dù : sul gol a’t s’er a dèz mètor, a’t pòl aver fat la partìda pù bèla dal mond, ma còste chi l’è un sbalj ca ris’ciaämma äd pagär cär bombè
Paci dù : Massimo elòra ! pen’na rientrè par na cojonäda ( pàsem la parola ) mostruòza dòpa dèz minùd sa’n gh’è miga n’arbitro cieco a’t fè un rigor ätortant clamoròz ! dailà eh
Modesto sèz : Modesto äd cognòm onesto c’me zugadòr, su cuant cròss e na presensa tut somè discreta
Candreva dù : a’g vòl du balòn con col ragas chi ! l’è un po’ c’me al Beto äd Cassio cuand’al zugäva in-t-i amatòr però al Beto in-t-j amator l’èra un fuoriclàsa, chilù propria gnan par burla
Dzemaili cuator : sensa ritmo sensa corsa sensa gnenta, tutt i crìdon cuand’al ne gh’è miga, mi a g’ho ancòrra da capir ( tirè via la partìda äd Torèn ) a cò sarvìssa cuand’al gh’è
Galloppa sèz : sperämma ca sia al pù bèl acuìsst invernäl parchè pr’al rèsst, a sämma mis mäl bombè
Palladèn dù : al balètt j’al fàn al teatro Due, al Tardini a gh’è da tirär fòra j’attributi, sionò a’t pòl anca tornär d’in do t’si gnù che ci a gh’è da fär ädla lèggna
Giovinco sinc : se non ätor l’è stè còl cl’ha lotè un po’ äd pù, ma äd concretèssa zero meno anca lù
Amauri sinc : da un centravanti mi a’m spèt c’al tira in porta ! tir in porta ? gnan vòn ! fine !
Marino zero : Mister, sämma a la frùta ? mi dirìss a la ricevuda fiscäla putost ! na tristèssa acsì gnanca cuand a sämma retrocès, a g’al digh mì ! zero totäl
ma dal momento che questa volta credo meritino un paio di battutine anche l'AD e il Presidente, e purtroppo il mio accordo con la GDP non prevede che io posso pubblicare pagelle che esulino i giocatori e il Tecnico, mi sento in diritto di pubblicarle qua, non facendo danno e concorrenza a nessuno !
ecco le pagelle per l'AD e il Presidente
Leonärdi zero : i me compliment, sfär zò na machina cuäzi parfèta e costi chi j’en i risultè ! Ah a’g pòsja dar un consili par j’acuìst ? a gh’è ancòrra a parametro zero Nedved Ravanèli Platini Boniek e forsi anca Bettega !
Ghirardi zero : mah cära al me President, chi sarvirìss di ragàs ca bòca al balon, miga d’il ciäcri, calcio champagne, progèt, d’il gran paroli e strìcca strìcca gnenta ! a’n gh’era miga dù bòr da där a Guidolin e andì a där un sac äd sold a Amauri par cuator mèz ! chi a gh’è quèl ca strùza, miga quèl, a strùza tùtt, ma fär n’esam äd cosciensa magari e na volta tant imparär dagl’eròr ? no parchè sämma anca stùf !
va da se che non autorizzo nessun altro sito nè organo di informazione alla loro pubblicazione neanche in seconda battuta se non dietro mio assenso "ad personam" via e-mail !
le invierò io a chi desidero le pubblichi !
|
